მთავარი ბუღალტერი

რეკრუტინგული და ორგანიზაციული განვითარების ჯგუფი HR SPACE პარტნიორი მწარმოებელი და საკუთარი საცალო ქსელის მქონე კომპანიისთვის აცხადებს ვაკანსიას Home ბუღალტრის პოზიციაზე.

სამუშაო ადგილი: თბილისი, ორხევის ტერიტორია
სამუშაო განრიგი: 10:00–19:00
უშუალო ხელმძღვანელი: ფინანსური დირექტორი

აუცილებელი საკვალიფიკაციო მოთხოვნები და ცოდნა:

• უმაღლესი განათლება ბუღალტრული აღრიცხვის, ფინანსების ან ეკონომიკის მიმართულებით;
• ბუღალტრული აღრიცხვის მიმართულებით მინიმუმ 5–7 წლიანი გამოცდილება, მათ შორის არანაკლებ 3 წელი მთავარი ბუღალტრის ან სრული საბუღალტრო ფუნქციის მართვის მქონე პოზიციაზე;
• სრული საბუღალტრო ციკლის დამოუკიდებლად მართვისა და საბუღალტრო გუნდის ხელმძღვანელობის გამოცდილება;
• საქართველოს საგადასახადო კანონმდებლობისა და ბუღალტრული აღრიცხვის შესაბამისი მოთხოვნების პრაქტიკული ცოდნა;
• მარაგების მოძრაობის, ინვენტარიზაციის, დანაკარგების, ჩამოწერისა და სააღრიცხვო სხვაობების დამუშავების გამოცდილება;
• საცალო გაყიდვების, სალარო ოპერაციების, საბანკო ჩარიცხვების, დაბრუნებებისა და მაღაზიებს შორის პროდუქციის მოძრაობის აღრიცხვის გამოცდილება;
• საგადასახადო დეკლარაციების მომზადების, წარდგენისა და საგადასახადო ვალდებულებების კონტროლის გამოცდილება;
• საანგარიშო პერიოდების დახურვის, ანგარიშების შეჯერებისა და ფინანსური ანგარიშგებისთვის სანდო მონაცემების მომზადების გამოცდილება;
• ACCA-ის შესაბამისი მოდულების ცოდნა.
• მნიშვნელოვანია საწარმოო აღრიცხვის ცოდნა: ნედლეულის, დაუმთავრებელი წარმოების, მზა პროდუქციის, საწარმოო დანახარჯებისა და თვითღირებულების აღრიცხვა;
• აუცილებელია FRS-ის შესაბამისი სააღრიცხვო პრინციპების პრაქტიკაში გამოყენების გამოცდილება;
• მნიშვნელოვანია გარე აუდიტორებთან თანამშრომლობისა და აუდიტისთვის დოკუმენტაციისა და განმარტებების მომზადების გამოცდილება;
• აცილებელია საბუღალტრო პროგრამა 1C-ის ცოდნა;
• სასურველია არა აუცილებელი
• ინგლისური ენის ცოდნა B2 დონეზე.
• განიხილებიან კანდიდატები წარმოების, FMCG და მსხვილი საცალო ვაჭრობის სექტორებიდან.

ვაკანტური პოზიციის ძირითადი სამუშაო აღწერა:

• კომპანიის სრული საბუღალტრო და საგადასახადო აღრიცხვის წარმოება საქართველოს კანონმდებლობისა და კომპანიის სააღრიცხვო პოლიტიკის შესაბამისად;
• საბუღალტრო გუნდის მართვა, სამუშაოს განაწილება და შესრულების სიზუსტისა და ვადების კონტროლი;
• წარმოების სრული ციკლის აღრიცხვა და თვითღირებულების სწორად ფორმირების უზრუნველყოფა ფინანსურ დირექტორთან თანამშრომლობით;
• საკუთარი საცალო ქსელის გაყიდვების, სალარო ოპერაციების, ანგარიშსწორებისა და პროდუქციის მოძრაობის აღრიცხვის კონტროლი;
• მარაგების, დებიტორული და კრედიტორული დავალიანებების, საბანკო ანგარიშებისა და სხვა საბალანსო მუხლების შეჯერება;
• ინვენტარიზაციაში მონაწილეობა, სხვაობების მიზეზების შესწავლა და შედეგების აღრიცხვაში ასახვა;
• ყოველთვიური და წლიური საანგარიშო პერიოდების დროული დახურვა და ფინანსური დირექტორისთვის ზუსტი მონაცემების მიწოდება;
• საგადასახადო დეკლარაციების მომზადება და წარდგენა, ვალდებულებების კონტროლი და საგადასახადო ორგანოებთან კომუნიკაცია;
• ახალი პროგრამის დანერგვაში მონაწილეობა — საწყისი ნაშთებისა და მონაცემების გამართვა, გადატანის სისწორის შემოწმება და ოპერაციების ტესტირება;
• ძირითადი საშუალებებისა და საინვესტიციო პროექტის დანახარჯების სწორი აღრიცხვა და დოკუმენტური დასაბუთების კონტროლი;
• აუდიტისთვის ინფორმაციის მომზადება, აუდიტორებთან თანამშრომლობა და შეთანხმებული შესწორებების განხორციელება;
• საბუღალტრო დოკუმენტბრუნვისა და კონტროლის პროცედურების მოწესრიგება, ხარვეზების გამოვლენა და ფინანსურ დირექტორთან დროული განხილვა.

პიროვნული უნარები:

• მაღალი პასუხისმგებლობის გრძნობა, სანდოობა და კონფიდენციალურობის დაცვა;
• სიზუსტე, დეტალებზე ყურადღება და ანალიტიკური აზროვნება;
• ორგანიზებულობა, პრიორიტეტების განსაზღვრისა და ვადების დაცვის უნარი;
• გუნდის მართვისა და შესრულების კონტროლის უნარი;
• პრობლემების დროულად გამოვლენისა და დამოუკიდებლად გადაჭრის უნარი;
• მაღალი დატვირთვის პირობებში სამუშაოს ხარისხის შენარჩუნება;
• სხვადასხვა მიმართულებასთან ეფექტიანი თანამშრომლობის უნარი;
• ცვლილებებისადმი მოქნილობა და ახალი სისტემების ათვისების მზადყოფნა;
• პროფესიული პრინციპულობა და არგუმენტირებული კომუნიკაციის უნარი.

დაინტერესების შემთხვევაში გთხოვთ, ვაკანსიას გამოეხმაუროთ APPLY ღილაკზე გადასვლით.

გისურვებთ წარმატებას!